ბულგარეთის საგარეო უწყების ხელმძღვანელმა ნიკოლაი მლადენოვმა იმედი გამოთქვა, რომ საქართველო და ქართველი ხალხი გარდამავალ პერიოდს წარმატებით გაივლის. როგორც ჟურნალისტებთან ნიკოლაი მლადენოვმა განაცხადა ბულგარეთი აგრძელებს საქართველოს მხარდაჭერას გარდამავალ პერიოდში.
,, მშვიდობიანად ჩატარებული არჩევნები იყო წინ გადადგმული ნაბიჯი, რომელიც ჯეროვან შეფასებას საჭიროებს და ამაზე აქცენტები ეუთოს მიერ მომზადებულ დასკვნაში გაკეთდება. ჩვენ მხარს ვუჭერთ საქართველოს გარადმავალ პერიოდში და იმედი გვაქვს, რომ გარდამავალ პერიოდს წარმატებით გაივლის", _ განაცხადა ნიკოლაი მლადენოვმა.
შეგახსენებთ, რომ მეორე დღეა რაც შვედეთის საგარეო საქმეთა მინისტრი კარლ ბილტი, ბულგარეთის საგარეო უწყების ხელმძღვანელს ნიკოლაი მლადენოვი და პოლონეთის პრეზიდენტის ადმინისტრაციის ხელმძღვანელს იაცეკ მიხალოვსკი საქართველოში იმყოფებიან. ვიზიტის ფარგლებში მათ შეხვედრები გამართეს საქართველოს პრეზიდენტთან. დაგეგმილია შეხვედრა საქართველოს მთავრობის წარმომადგენლებთან.
