საქართველოს პარლამენტის წევრი, დავით საყვარელიძე ბრიუსელში გაემგზავრა. გავრცელებული ინფორმაციით, საყვარელიძემ ქვეყანა გუშინ დატოვა. დეპუტატის ბრიუსელში ვიზიტის მიზანი და სამშობლოში დაბრუნების დრო ამ დროისათვის უცნობია.
საპარლამენტო უმცირესობის წევრი, დავით საყვარელიძე ფინანსთა სამინისტროს საგამოძიებო სამსახურში, დღეს, 12 საათზე უნდა გამოცხადებულიყო. საგამოძიებო უწყებას საყვარელიძესთან რიყის ტერიტორიის გასხვისებასთან დაკავშირებით კითხვები აქვს. საყვარელიძემ სამინისტროში გამოცხადებაზე უარი გუშინაც თქვა, რის შემდეგაც გავრცელდა ინფორმაცია, რომ დეპუტატი უწყებაში, შესაძლოა, იძულების წესით მიეყვანათ.