ყოფილი პრემიერ-მინისტრი ვანო მერაბიშვილი ახალ მთავრობას მოუწოდებს, ოპოზიციას, პროკურატურაში დაბარების ნაცვლად, დაპირებების ასრულება დაიწყოს.
"ჩვენ ყოველდღიურად გვიხდება რეაგირება იმ ზეწოლაზე, რომელსაც ახორციელებენ პროკურატურა და ძალოვანი უწყებები პარლამენტის წევრებზე, ყოფილ სახელმწიფო მოხელეებსა და, რაც ყველაზე მნიშვნელოვანია, მოქმედი ადგილობრივი თვითმმართველობის ორგანოებზე. ოპოზიციას ხელისუფლებამ დაუპირისპიროს იდეები, დაპირებების ასრულება და არა - პროკურატურაში დაბარება და ზეწოლა", - განუცხადა მერაბიშვილმა ჟურნალისტებს გუშინ, რამდენიმე ქვეყნის მაღალჩინოსნებთან შეხვედრის შემდეგ.
მისი განმარტებით, დღე არ გავა, "ნაციონალური მოძრაობის" 10-15-მდე წევრის დაკითხვა, მათზე მუქარა და ზეწოლა არ განხორციელდეს.
