პრეზიდენტ მიხეილ სააკაშვილს ორის ნაცვლად ერთი თვითმფრინავი მოემსახურება, მეორე თვითმფრინავი კი სალიზინგო კომპანიას დაუბრუნდება. თვითმფრივანის დაბრუნების პროცესი საქართველოს თავდაცვის სამინისტრომ დაიწყო.
"კონკრეტულად გადაწყვეტილების მიზეზი იყო ის, რომ რეალურად გვაქვს საკმაოდ დიდი დეფიციტი, პირველ რიგში, თავდაცვის ბიუჯეტში და როდესაც საფრთხის წინაშე შესაძლოა დადგეს ჯარის კვება, პრეზიდენტის მეორე ბორტის არსებობა გამართლებული არ არის. ამ ეტაპზე გადაწყვეტილება იქნა მიღებული, რომ შევწყვიტოთ სალიზინგო კომპანიასთან აღნიშნული ხელშეკრულება და გამოსყიდვა, რადგან სოლიდურ თანხებზეა საუბარი", _ განაცხადა თავდაცვის მინისტრის მოადგილემ ალექსანდრე ბურჭულაძემ
შეგახსენებთ, რომ თავდაცვის სამინისტრომ პრეზიდენტისთვის მეორე თვითმფრინავი წელიწად-ნახევრის წინ შეიძინა.
