,,საქართველოს მთავრობა მტკიცედ ისწრაფვის ნატო-ში სრულფასოვანი ინტეგრაციისთვის", - განაცხადა ჟურნალისტებთან სახელმწიფო მინისტრმა ევროპულ და ევროატლანტიკურ სტრუქტურებში ალექსი პეტრიაშვილმა ბრიუსელში გამართული ნატოს მინისტერიალის კომენტირებისას და აღნიშნა, რომ საქართველო აგრძელებს ნატოსკენ სვლას.
,,ნატოს მინისტერიალი მნიშვნელოვანია. განსაკუთრებული მნიშვნელობა აქვს საქართველო-ნატო-ს კომისიის სხდომას ნატოს მინისტრების დონეზე. Nნატოს გენერალური მდივნის განცხადებებიდან ჩანს, რომ იგი მიესალმება საქართველოს მთავრობის მტკიცე ნებას კონსტიტუციის პატივისცემისა და კანონის დასაცავად", - განაცხადა პეტრიაშვილმა.
შეგახსენებთ, რომ 4-5 დეკემბერს ბრიუსელში ნატოს მინისტერიალი და ნატო-საქართველოს კომისიის სხდომა გაიმართა, სადაც საქართველოს საგრეო საქმეთა მინისტრი მაია ფანჯიკიძე მონაწილეობდა. Mმინისტერიალის დასრულების შემდეგ ნატო-მ კიდევ ერთხელ დაადასტურა საქართველოს მხარდაჭერა ჩრდილო-ატლანტიკურ ორგანიზაციაში გაწევრიანების გზაზე.
