საქართველოს პრეზიდენტი მიხეილ სააკაშვილი ქვეყნის პრემიერ-მინისტრს ბიძინა ივანიშვილს შეხვედრას და მოლაპარაკებებს სთავაზობს.
ბრიტანული გამოცემა "ფაინეიშელ ტაიმსისთვის" მიცემულ ინტერვიუში სააკაშვილი პირისპირ შეხვედრის აუცილებლობაზე საუბრობს, რათა გადაიჭრას არსებული დაპირისპირება და ნაპოვნი იქნას გამოსავალი პოლიტიკური ჩიხიდან.
სააკაშვილი ინტერვიუში აცხადებს, რომ მზადაა ახალ ხელისუფლებას, რომელსაც სათავეში ბიძინა ივანიშვილი უდგას, სრულად გადასცეს კონტროლი ქვეყნის საშინაო საქმეებზე და თავად, საპრეზიდენტო ვადის ამოწურვამდე დარჩენილ პერიოდში, სრული კონცენტრირება მოახდის საგარეო ურთიერთობებზე.
სააკაშვილის განცხადებით, პრეზიდენტისა და პრემიერის კონფლიქტმა შესაძლოა ცუდი შედეგი გამოიღოს და დასავლეთის ქვეყნებმა უარი თქვან საქართველოს მხარდაჭერაზე.
მასალის გამოყენების პირობები