ზურან ნოღაიდელი პარტიის დაბრუნებისთვის ბრძოლად აპირებს. როგორც ზურაბ ნოღაიდელმა "პრაიმ-ტაიმის" პრესკლუბში განაცხადა, ის პარტიის დაბრუნებიშთვის იბრძოლებს, თუმცა პოლიტიკაში დაბრუნებას უახლოეს პერიოდში არ აპირებს.
ზურაბ ნოღაიდელი პარტიის წართმევაში შსს-ისა და იუსტიციის ყოფილ მინისტრებს ადანაშაულებს.
შეგახსენებთ, რომ 2006 წელს ზურაბ ჟვანიას მოულოდნელი დაღუპვის შემდეგ საქართველოს პრეზიდენტმა, მიხეილ სააკაშვილმა ზურაბ ნოღაიდელი საქართველოს პრემიერ-მინისტრად დანიშნა. ამ პოსტზე ნოღაიდელმა 2007 წლის 16 ნოემბრამდე იმუშავა.ამის შემდეგ ის დროებით ჩამოშორდა პოლიტიკას და კახა კალაძის ბიზნესს ჩაუდგა სათავეში. 2008 წლის შემოდგომაზე ნოღაიდელმა პოლიტიკაში დაბრუნება გადაწყვიტა და დაიწყო პარტიის - მოძრაობა სამართლიანი საქართველოსთვის - ჩამოყალიბება. ნოღაიდელის პარტიის მიზანი ვადამდელი საპარლამენტო არჩევნების ჩატარება იყო. 2010 წლის 23 დეკემბერს პარტიის რიგგარეშე ყრილობამ ზურაბ ნოღაიდელი პარტიის თავმჯდომარის პოსტიდან გადააყენა ფინანსური პრობლემის გამო, თუმცა დავალიანების გასტუმრებამდე გამგეობის რიგით წევრად დატოვა. მოგვიანებით ზურაბ ნოღაიდელმა განცხადება გააკეთა ახალი მოძრაობის დაფუძნებასთან დაკავშირებით.
