გაერო-ში საქართველოს წარმომადგენელმა პალესტინასთან დაკავშირებული პოზიცია განმარტა. გაერო-ში საქართველოს წარმომადგენლი ალესანდრე ლომაიაა, თუმცა იგი ამ დროისათვის შვებულებაში იმყოფება. გაეროს ოფიციალურ ვებგვერდზე არ არის მითითებული საქართველოს წარმომადგენლის ვინაობა, თუნ კონკრეტულად ვინ მონაწილეობდა კენჭისყრაში.
საქართველოს წარმომადგენელის ინფორმაციით, გამომდინარე იქიდან, რომ გეოგრაფიულად საქართველო ახლო აღმოსავლეთთან ახლოს მდებარეობს, საქართველო უთანაგრძნობდა ახლო აღმოსავლეთის რეგიონის მოსახლეობის მისწრაფებებს , კერძოდ, პალესტინის სახელმწიფოებრიობას და ისრაელის უსაფრთხოებას.
"კონფლიქტის დასასრულს გადამწყვეტი მნიშვნელობა აქვს და მხოლოდ მხარეებს შორის მოლაპარაკებების გზით მიღწეულ შეთანხმებას უნდა ეფუძნებოდეს. დღეს მიღებული რეზოლუცია ნიშნავს პრივილეგიებისა და უფლებების მიცემას დამკვირვებელი ქვეყნის სტატუსის ფარგლებში; რეზოლუცია არ გულისხმობს იმას, რომ პალესტინამ მიიღო უფლება, გაწევრიანდეს საერთაშორისო ორგანიზაციაში სახელმწიფო წევრის სტატუსით",-აცხადებს საქართველოს წარმომადგენელი.
პალესტინას გაერო-ში სტატუსი მუდმივი დამკვირვებლიდან დამკვირვებელ სახელმწიფომდე გაეზარდა, რომელიც გაერო-ს წევრი არ არის. პალესტინის სტატუსის გაზრდას მხარი დაუჭირა 138-მა ქვეყანამ, მათ შორის - საქართველომ. თავი შეიკავა 41-მა სახელმწიფომ, ხოლო ცხრამ ხმა წინააღმდეგ მისცა. სტატუსის მინიჭებას კატეგორიულად ეწინააღმდეგებოდნენ ისრაელი და აშშ.
