"ერთიანი ნაციონალური მოძრაობა" ამნისტიის წინააღმდეგია და ხელისუფლებას სთავაზობს, ამნისტიის ნაცვლად პატიმართა გათავისუფლება შეწყალებისა და პირობით ვადაზე ადრე გათავისუფლების მექანიზმების გამოყენებით მოხდეს.
როგორც დეპუტატმა, შეწყალების კომისიის წევრმა ჩიორა თაქთაქიშვილმა ჟურნალისტებს განუცხადა, მნიშვნელოვანია პატიმართა საქმეები ინდივიდუალურ რეჟიმში იყოს განხილული და გადაწყვეტილება წარსულის გამოცდილების გათვალისწინებით მოხდეს.
"კანონპროექტის ფარგლებში ათასობით მსჯავრდებულის გათავისუფლება ხდება, რაც რისკის ქვეშ საზოგადოებრივ უსაფრთხოებას აყენებს. მნიშვნელოვანია დაცული იყოს საზოგადოების უსაფრთხოება და ამავდროულად პატიმართა საქმეებზე გადაწყვეტილებები მოხდეს ინდივიდუალურად", - განაცხადა თაქთაქიშვილმა.