უკრაინაში სამუშაო ვიზიტის ფარგლებში საქართველოს პრეზიდენტი მიხეილ სააკაშვილი მსოფლიო ჩემპიონს კრივში და პარტია "უდარის" ლიდერს ვიტალი კლიჩკოს შეხვდა. მხარეებმა ორ ქვეყანაში არსებული პოლიტიკური მდგომარეობა და საქართველოში გამართული საპარლამენტო არჩევნები განიხილეს.
"უდარის" ლიდერმა სააკაშვილს ტავისი პოლიტიკური ხედვა გაუზიარა და აღნიშნა, რომ დემოკრატიული პროცესებით, გამჭვირვალე არჩევნებითა ხელისუფლების მშვიდობიანი გადაბარების პროცესით, საქართველო მაგალითი გახდა არა მხოლოდ რეგიონისთვის, არამედ მთელი მსოფლიოსთვის. კლიჩკომ ასევე აღნიშნა, რომ მისი პარტია ამზადებს კანონპროექტს კორუფციასთან ბრძოლის წინააღმდეგ, რომელშიც გამოყენებული იქნება ქართული გამოცდილება ამ მიმართულებით. სააკაშვილმა და კლიჩკომ სამომავლო თანამშრომლობის გეგმებიც დასახეს.
