ევროპისა და ევრაზიის საკითხებში აშშ-ის სახელმწიფო მდივნის მოადგილემ, ერიკ რუბინმა, რეინტეგრაციის საკითხებში საქართველოს ხელმწიფო მინისტრთან პაატა ზაქარეიშვილთან შეხვედრის შემდეგ განაცხადა, რომ აშშ მხარს უჭერს საქართველოს ძალისხმევას, დაამყაროს ურთიერთობები აფხაზეთისა და სამხრეთ ოსეთის მოსახლეობასთან.
"ჩვენ ვისაუბრეთ ყველა იმ პრიორიტეტზე, რომელიც უკავშირდება საქართველოს მხრიდან ძალისხმევას კონფლიქტების მოგვარების მიმართულებით, ასევე ვისაუბრეთ პირობების გაუმჯობესებაზე, ყველა იმ ადამიანზე, ვინც დაზარალდა კონფლიქტის შედეგად", - განაცხადა რუბინმა შეხვედრის დასრულების შემდეგ და აღნიშნა, რომ აშშ კიდევ ერთხელ აღმიშმავს, რომ მხარს უჭერს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში.
"ვისაუბრეთ ასევე საქართველოს ურთიერთობაზე მის მეზობლებთან გამოვხატეთ მტკიცე მხარდაჭერა აშშ-სა საქართველოს სუვერენიტეტისა და ტერიტორიული მთლიანობის მიმართ. ასევე გამოვხატეთ მტკიცე მხარდაჭერა საქართველოს ძალისხმევის მიმართ ურთიერთობები დაამყაროს აფხაზეთისა და სამხრეთ ოსეთის მოსახლეობასთან", - განაცხადა რუბინმა.
