ამ დრომდე უპასუხოდ რჩება შეთანხმება გუბერნატორების პირდაპირი წესით არჩევასთან დაკავშირებით. ამის შესახებ დედაქალაქის მერმა გიგი უგულავამ საქართველოს ადგილობრივ თვითმმართველობათა ეროვნულ კონგრესზე განაცხადა.
უგულავას თქმით, მისასალმებელი იყო მოქმედი ხელისუფლების წინასაარჩევნო დაპირებები თუმცა მთავრობის დღევანდელი ლინგვისტიკა არ იძლევა იმ იმედის საფუძველს.
"თვითმმართველობებთან მიმართებაში მოქმედი ხელისუფლების წინასაარჩევნო დაპირებები მისასალმებელი იყო, თუმცა მთავრობიდან დღეს მომავალი ლინგვისტიკა არ იძლევა იმ იმედის საფუძველს, რომ ვიდრე თვითმმართველობები მათი კონტროლის ქვეშ არ მოექცევა, მათ ფინანსების, ან რაიმე სხვა საკითხების დამოუკიდებლად განკარგვის საშუალება მიეცეთ", - განაცხადა დედაქალაქის მერმა.
