,,შსს-ს თანამშრომლების გათავისუფლება მასობრივად არ ხდება", -განაცხადა მთავრობის სხდომის დასრულების შემდეგ შს მინისტრმა ირაკლი ღარიბაშვილმა, რომელმაც აღნიშნა, რომ პოლიტიკური ოპონენტები საკითხის სპეკულაციას ახდენენ.
მისივე განცხადებით, შსს-ის თანამშრომლების ნაწილმა საკუთარი სურვილით დატოვეს სამსახური.
,,თანამშრომლების ნაწილმა სამინისტრო თავისი სურვილით დატოვეს. Bუნებრივია, იყო გარკვეული ცვლილებები, გადაადგილებები და ეს ბუნებრივი პროცესია. დაახლოებით 300-400 თანამშრომლის სხვა უწყებაში გადაყვანა, გადაადგილება და გაშვება მოხდა", -განაცხადა ღარიბაშვილმა, რომელმაც აღნიშნა, რომ საპატრულო პოლიციიდან საკუთარი სურვილით დაახლოებით 30-მდე თანამშრომელი წავიდა.
შსს მინისტრმა ყოფილ პრემიერსა და პოლიტიკურ ოპონენტებს მოუწოდა მიზანმიმართულად საზოგადოება შეცდომაში არ შეიყვანონ.
შეგახსენებთ, რომ შსს ყოფილი და პრემიერის, ივანე მერაბიშვილის განცხადებით შსს თანამშრომლების გათავისუფლება პოლიტიკური ნიშნითა და ზეწოლით ხდება.