ოსი სეპარატისტები ბელარუსს "ნამუსზე აგდებენ" და უმადურობას სწამებენ. მათი განცხადებით, მაშინ როდესაც "დიდი სამამულო ომის დროს უამრავი ოსი თავის გმირობას სწორედ ბელორუსისა და უკრაინის ტერიტორიაზე ჩადიოდა და იქ დაიღუპა კიდეც" ახლა, "უმადურ" ბელორუსს, რომელსაც სეპარატისტების განცხადებით, ე.წ. სამხრეთ ოსეთისათვის ბრძოლას არავინ სთხოვს, მხოლოდ ერთი მარტივი სიტყვის წარმოთქმა უჭირს - "ვაღიარებ".
ე.წ. სამხრეთ ოსეთის ბეჭდვისა და ინფორმაციის კომიტეტი "ინტერნეტის უკიდეგანო სივრცის გახსნის" შემდეგ ბელარუსულ მედიაში აღმოჩენილ სტატიას - "როდის აიძულებს კრემლი ლუკაშენკოს აფხაზეთისა და სამხრეთ ოსეთს აღიარებას?" ეხმაურება.
"აი ასე, არც მეტი არც ნაკლები "იძულებაზეა" საუბარი. დიდი სამამულო ომის დროს (1941-1945 წწ.) უამრავი ოსი თავის გმირობას სწორედ ბელორუსისა და უკრაინის ტერიტორიაზე ჩადიოდა და იქ დაიღუპა კიდეც და ახლა თურმე ბელარუსი საიძულებელია სამხრეთ ოსეთის დამოუკიდებლობა აღიაროს.
წინააღმდეგობა იმის შესახებ, რომ ფაშიზმს ქართველებიც ებრძოდნენ - არ მიიღება, იმიტომ, რომ თანამედროვე საქართველოში ანტიფაშისტური ომის გმირების ხსოვნისადმი მიძღვნილ მემორიალებს ანგრევენ, იქ ქართველების ვერმახტის ფორმირებებში მონაწილეობა ეამაყებათ - სამხრეთ ოსეთში კი ასეთი რამ არ არის", _ წერს ე.წ. სამხრეთ ოსეთის ბეჭდვისა და ინფორმაციის კომიტეტი და ბელორუსის "დანამუსებას" აგრძელებს.
"როდესაც ბელორუსს მტერი შემოესია და მისი ხალხის განადგურება და სოფლების გადაწვა დაიწყო, ოსებს "ბრძნული, გაწონასწორებული პოზიცია" არ დაუკავებიათ და უკანმოიხედავად დაიძრნენ ფროინტისაკენ რათა ბელორუსებისათვის სისხლი დაეღვარათ.
დღეს ბელორუსს სამხრეთ ოსეთისათვის სისხლის დაღვრას არავის სთხოვს, საკმარისია მხოლოდ ერთი სიტყვა "ვაღიარებთ", მაგრამ ამასაც ვერ ვეღირსეთ მათგან - ვაჭრობენ როგორც ბაზარში", _ წერს ინფორმაციის კომიტეტის ანალიტიკური სამსახური.
