ამერიკის შეერთებული შტატების ჩრდილო-აღმოსავლეთ სანაპირო, რომელსაც გასულ კვირას ქარიშხალი "სენდი" დაატყდა თავს, შესაძლოა, კიდევ ერთი ქარიშხლის მსხვერპლი გახდეს.
ამერიკელი მეტეოროლოგების მონაცემებით, ახალი ქარიშხალი მიმდინარე კვირას, სანაპიროზე გააქტიურდება და მან, შესაძლოა, გაცილებით დამანგრეველი სახე მიიღოს, ვიდრე "სენდიმ".
ქარიშხალს წვიმა და დიდი ალბათობით, თოვლიც მოჰყვება. სპეციალისტების პროგნოზით, არის საშიშროება, რომ სტიქიამ დაზარალებული რაიონების რეაბლიტაციაც მნიშვნელოვნად გაართულოს.
