ოკუპირებულ აფხაზეთში მდებარე რუსულ სამხედრო ბაზაზე "გეგმიური ცვლისა და სამხედრო სამსახურის გავლისათვის" 500 მდე უმცროსი სპეციალისტი ჩავიდა. ინფორმაციას ამის შესახებ აფხაზური მედია ავრცელებს.
მათივე ინფორმაციით, ყველა მათგანმა სამთვიანი მომზადება რუსეთის თავდაცვის სამინისტროს სასწავლო ცენტრებში გაიარა.
"ძირითადად ეს არიან ტანკისტები (მძღოლ-მექანიკოსები, ტანკის ოპერატორები), არტილერისტები (მეთაურები, 2ც3 "აკაციის", "ბმ-21"-ის "გრადის" მძღოლ-მექანიკოსები და ტაკკსაწინააღმდეგო კომპლექსების "შტურმ-ს"-ის ოპერატორ-სპეციალისტები), ჰაერსაწინააღმდეგო თავდაცვის ჯარების სპეციალისტები, რომლებიც სავალდებულო სამხედრო სამსახურს სამხედრო ბაზების ნაწილებში გააგრძელებენ.
გეგმიური ცვლილებები ნოემბრის ბოლომდე გაგრძელდება და მისი შედეგები ბაზის პირადი შემადგენლობის რაოდენობის ცვლილებას არ მოახდენს", _ იუწყება აფხაზური მხარე.
