ფინანსთა მინისტრმა საგამოძიები სამსახურის ახალი ხელმძღვანელად კახა კაკაბაძე წარადგინა. ნოდარ ხადურმა საგამოძიებო სამსახურის თანამშრომლობის კახა (აპოლონ) კაკაბაძე პირადად წარუდგინა და განაცხადა, რომ მნიშვნელოვანია რომ საგამოძიებო სამსახურმა გააუმჯობესოს ურთიერთობები შემოსავლების სამსახურთან და მოხდეს სინქრონული მუშაობა.
"აქ არ იქნება დისკრეციული დამოკიდებულება, კანონი ყველასთვის უნდა იყოს კანონი. ბიზნესმენებმა უნდა გაითავისონ, რომ გადასახადების გადაუხდელობა იქნება დასჯადი ქმედება. გადასახადები ყველამ უნდა გადაიხადოს" განაცხადა ხადურმა საგამოძიებო სამსახურის უფროსის წარდგენისას. ფინანსთა მინისტრის თქმით, ოქტომბრის გადასახადების შემოდინება საკმაოდ მაღალია ოქტომბერში, რაც უშუალოდ ბიზნესმენების დამსახურებაა", - განაცხადა ხადურმა.
მინისტრმა განაცხადა, რომ საგამოძიებო სამსახური არასოდეს არ იქნება გამოყენებული პოლიტიკური ნიშნით.
„ძალიან აქტიურად ვიმუშაოთ შემოსავლების სამსახურთან ერთად, და ვიმუშაოთ იმაზე რომ საკანონმდებლო აქტებში შევიტანოთ ისეთი ცვლილებები, რაც ბიზნესმენს მუშაობას გაუადვილებს", - განაცხადა მინისტრმა.
ნოდარ ხადურმა კახა კაკაბაძეს სთხოვა, რომ „იყოს ბიზნესმენების მეგობარი".
ნოდარ ხადურმა აღნიშნა, რომ იგი კარგად იცნობს საქმიანობის ძირითადი მიმართულებებს. იცის სისტემის შუქ - ჩრდილები და შეძლებს ნაკლოვანებების აღმოფხვრას და იმ მიღწევების შენარჩუნებას, რაც წინა ხელმძღვანელობის დროს იქნა მიღწეული.
აპოლონ კაკაბაძემ დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ეკონომიკის ფაკულტეტი. 2007 - 2009 წლებში მუშაობდა მერიის ადგილობრივი ქონების მართვის სამსახურში. 2004 - 2005 წლებში იყო ფინანსთა სამინისტროს ფინანსური პოლიციის სამეგრელო - ზემო სვანეთისა და გურიის რეგიონული სამმართველოს უფროსი. სხვადასხვა წლებში მუშაობდა შემოსავლების სამინისტროს საგანგებო ლეგიონის სამეგრელო - ზემო სვანეთის რეგიონულ სამმართველოში - სამმართველოს უფროსი. საგადასახადო დეპარტამენტში სხვადასხვა თანამდებობაზე.
