აშშ-ში ქარიშხალ სენდის გამო დაღუპულთა რაოდენობამ 80-ს გადააჭარბა. ბოლო მონაცემებით დაღუპულია 82 ადამიანი. ნიუ-იორკის შტატში დაიღუპა 42 ადამაიანი, ნიუ-ჯერსიში -12, მერილინდში -9. ქარიშხლის შედეგად ადამიანების დაღუპვის ფაქტები დაფიქსირდა პენსილვანიაში, დასავლეთ ვირჯინიაში, კონეკტიკუტში, ვირჯინიაში და ჩრდილოეთ კაროლინაში. სულ აშშ-ში, კანადასა და კარიბის ზღვის აუზის ქვენებში დაღუპულთა რაოდენობა 150-ს აღემატება.
სტიქიამ ყველაზე მეტი ზიანი ნიუ-იორკსა და ნიუ-ჯერსის მიაყენა. კოლუმბიის ოლქში ნგრევა არ დაფიქსირებულა, მაგრამ ქარიშხალმა 400 ათასი ადამიანი ელექტროენერიის გარეშე დატოვა. ნიუ-იორკში ელექტროენერგია არ მიეწოდებოდა 6 მილიონ ადამიანს. სულ ჩრდილო აღმოსავლეთ სანაპიროზე ელექტროენერგიის გარეშე 8 მილიონი ადამიანი დარჩა.
გადაიდო 15 ათასზე მეტი ავარეისი. ორი დღის განმავლობაში ნიუ-იორკსა და სხვა ქალაქებში არ მოძრაობდა საქალაქო ტრანსპორტი. ნიუ-იორკში ჯერაც არაა აღდგენილი მეტროპოლიტენი მუშაობა.
სავარაუდოდ, სტიქის შედეგად მიყენებული ზარალი 35-40 მილიონ აშშ დოლარს შეადგენს.