დღეს, საქართველოს რეგიონული განვითარებისა და ინფრასტრუქტურის მინისტრი დავით ნარმანია, აზიის განვითარების ბანკის მუდმივ წარმომადგენელს საქართველოში - ქეით ჯულიანს და უფროს ოფიცერ-კოორდინატორს გიორგი კიზირიას შეხვდა.
შეხვედრა გაცნობითი ხასიათის იყო. მხარეებმა იმ პროექტებზე ისაუბრეს, რომლებსაც სამინისტრო აზიის განვითარების ბანკის დაფინანსებით და მხარდაჭერით ახორციელებს. აღნიშნულ პროექტთა შორისაა: გზების (თბილისი-რუსთავის საავტომობილო გზის მშენებლობა), ხიდებისა და გვირაბების, წყალმომარაგებისა და საკანალიზაციო სისტემების (წყალმომარაგების სისტემის გაუმჯობესება საქართველს 6 ურბანულ ცენტრში), იძულებით გადაადგილებულ პირთათვის საცხოვრებელი სახლების მშენებლობა-რეაბილიტაცია და ა.შ. შეხვედრაზე ყურადღება სწორედ აღნიშნული პროექტების მიმდინარეობასა და სამინისტროსა და აზიის განვითარების ბანკს შორის სამომავლო ურთიერთობების პერსპექტივებზე გამახვილდა.
