სახელმწიფო კანცელარიაში ჟურნალისტებისთვის მუშაობა შეზღუდულია. ჟურნალისტებს კანცელარიის მხოლოდ მესამე სართულზე უშვებენ, სადაც სპეციალურად გამოყოფილ ოთახებში იმყოფებიან.
როგორც პრესსამსახურის წარმომადგენელმა ჟურნალისტებს განუცხადა, პრემიერ-მინისტრის სიტყვას ჟურნალისტებს გადასცემენ. მისივე თქმით, რაც შეეხება მინისტრების ინტერვიუების ჩაწერას, ჟურნალისტებს მხოლოდ იმ მინისტრის ცაწერის საშუალება ექნებათ, რომელსაც ჟურნალისტთა უმრავლესობა მოითხოვს.
მთავრობის სხდომებზე ჟურნალისტებისთვის შეზღუდვა ივანე მერაბიშვილის პრემიერ-მინისტრობის დროს დაწესდა, რომელსაც ივანიშვილის მთავრობა ამ დრომდე ინარჩუნებს.
