,,საბოლოოდ გადაწყვეტილება მიღებული არ არის. ამიტომ მე იურისტი ვარ და ჩემთვის მნიშვნელოვანია, პროცედურა კანონით იყოს განსაზღვრული და შემდეგ პრაქტიკაში გამოყენებული. Aამ ყოველივეს როგორ მოხერხებს პარლამენტი უნდა შევხედოთ", _ განაცხადა "ჯი-ეიჩ-ენთან" საუბარში მუხაშავრიამ.

მისივე განცხადებით, მთავრობის ინიციატივა მეტ დასაბუთებას მოითხოვს.
,,ინიციატივა ურიგო არ არის, მაგრამ ბევრ ცვლილებებს იწვევს, რომელსაც მეტი განსაზღვრება და დასაბუთება სჭირდება, თუ რატომ ხდება პროკურორი ასეთი დამოუკიდებელი და როგორი იქნება მისი ფუნქციები და კომპეტენცია", - განაცხადა მუხაშავრიამ.

შეგახსენებთ, რომ ახალი სამთავრობო პროგრამის ფარგლებში მთავარ პროკურორს კონსტიტუციით განსაზღვრული ვადით (სულ ცოტა, 5 წლით), პარლამენტის თანხმობით, თანამდებობაზე დანიშნავს საქართველოს პრეზიდენტი, ხოლო თანამდებობიდან მისი ვადამდე გათავისუფლება მოხდება მხოლოდ იმპიჩმენტის წესით ან საქართველოს პრეზიდენტის დასაბუთებული გადაწყვეტილებით, პარლამენტის თანხმობის საფუძველზე.