დარწმუნებული ვარ, რომ ბატონი ივანიშვილი, მზად არის იგივე გეზი განაგრძოს და წინ წასწიოს ურთიერთობა ნატოსთან შესაბამისად, ნატოც ერთგული რჩება იმ დაპირებისა, რომელიც ბუქარესტის სამიტზე დაფიქსირდა, - ამის შესახებ "ამერიკის ხმას" ნატო-ს გენერალური მდივნის სპეციალურმა წარმომადგენელმა სამხრეთ კავკასიასა და ცენტრალურ აზიაში, ჯეიმს აპატურაიმ განუცხადა.
ჯეიმს აპატურაი კმაყოფილებას გამოთქვამს, რომ საქართველოში ორივე მხარე კონსენსუსს აღწევს იმ მთავარ თემაზე, რაც ქვეყნის საგარეო პოლიტიკას ეხება - იქნება ეს კარგი ურთიერთობის დამყარება მეზობლებთან, ტერიტორიული მთლიანობა თუ "ნატო"-ში და ევროკავშირში ინტეგრაცია, _ განაცხადა აპატურაიმ საქართველოში ვიზიტის კომენტირებისას.
შეგახსენებთ, რომ ჯეიმს აპატურაი საქართველოში 18 ოქტომბერს იმყოფებოდა. საქართველოში ვიზიტის ფარგლებში აპატურაი აღმასრულებელი ხელისუფლებისა და მომავალი მთავრობის წარმომადგენლებს შეხვდა.
