,,ნაციონალური მოძრაობა" ,,ქართულ ოცნებას" დეპუტატების ზეწოლაში ადანაშაულებს, _ განაცხადა ჟურნალისტებთან ,,ნაციონალური მოძრაობის" პრესსპიკერმა ჩიორა თაქთაქიშვილმა, რომელმაც კონკრეტული დეპუტატების გვარ-სახელები არ დაასახელა.
თაქთაქიშვილის განცხადებით, ,,ქართული ოცნება" პარლამენტში საკონსტიტუციო უმრავლესობის მოპოვების მიზნით, ,,ნაციონალური მოძრაობის" დეპუტატებსა და მხარდამჭერებზე ზეწოლას ახორციელებს.
,,ქართული ოცნების" მხრიდან გრძელდება არაკონსტრუქციულ რეჟიმში არადემოკრატიული და არაკანონიერი მეთოდებით, ზეწოლის განხორციელება მთელ რიგ დეპუტატებზე იმისთვის, რომ ,,ქართულმა ოცნებამ" საკონსტიტუციო უმრავლესობა მოიპოვოს'', -განაცხადა თაქთაქიშვილმა, რომელმაც აღნიშნა, რომ ანალოგიური ფაქტების განმეორების შემთხვევაში ,,ნაციონალური მოძრაობა" არასამთავრობო ორგანიზაციებსა და საერთაშორისო ორგანიზაციებს მიართავს.
შეგახსენებთ, რომ ,,ქართულ ოცნებას" პარლამენტში 85 სადეპუტატო მანდატი აქვს და საკონსტიტუციო უმრავლესობისთვის 15 მანდატი სჭირდება.