"ის, რაც სასჯელაღსრულების სისტემაში ხდებოდა ადამიანის გონებისთვის წარმოუდგენელია", _ განაცხადა ჟურნალისტებთან სასჯელაღსრულების პრობაციისა და იურიდიული დახმარების საკითხთა მინისტრობის კანდიდატმა სოზარ სუბარმა, რომელმაც აღნიშნა, რომ სისტემაში ხარვეზების გამოსასწორებლად ბევრი რეფორმის გატარებაა აუცილებელი.
,,რაც უფრო მეტად ვიხედები ეს არის ყველაზე მეტად კორუმპირებული სისტემა, რომელიც გაცილებით მეტად კორუმპირებულია ვიდრე შევარდნაძის, ,,ვარდების რევოლუციამდე" იყო. საოცრადაა გაზრდილი თანხები, რომელსაც პატიმრებს სძალავენ. ის, რაც ამ სისტემაში ხდებოდა ადამიანის გონებისთვის წარმოუდგენელია. ამის გამოსწორება სერიოზულ რეფორმებს საჭიროებს", _ განაცხადა სოზარ სუბარმა მინისტრობის კანდიდატების მოსმენების დაწყებამდე.
შეგახსენებთ, რომ საკანონმდებლო ორგანოში მინისტრობის კანდიდატების სამთავრობო პროგრამის მოსმენა მიმდინარეობს.
