მუამარ კადაფის შვილი ხამისი ლიბიის ქალაქ ბანი-ვალიდში მიმდინარე ბრძოლებისას მოკლეს. ამის შესახებ ლიბიის ერთიანი ეროვნული კონგრესის ლიდერმა იუსეფ ალ-მაგრეფმა განაცხადა. მისი განცხადებით, მოკლულის ცხედარი უკვე გადაასვენეს ლიბიის ქალაქ მისურატში.
ტელეკომპანია "ალ-არაბიას" მონაცემებით, ხამისი ქალაქ მისურატში დაიღუპა, სადაც ის მძიმედ დაჭრილი ბანი-ვალიდიდან გადაიყვანეს. ტელეკომპანიის ინფორმაციით, კადაფის შვილი სამათავრობო ძალებმა მძიმედ დაჭრილი ჩაიგდეს ხელში.
ხამისის გარდაცვალ;ების შესახებ ინფორმაცია არაერთხელ გავრცელდა, რომლის წყაროც მეტწილად ლიბიის ამჟამიდელი ხელისუფლების წარმომადგენლები იყვნენ. ამ ხმების მიუხედავად, ხამისი ბოლო რამდენიმე დღის განმავლობაში, თავის შეიარაღებულ ძალებთან ერთად, გააფრთრებულ წინააღმდეგობას უწევდა ლიბიის ამჟამიდელი მთავრობის შეიარაღებულ ძალებს.
შეტაკება ბანი-ვალიდში უკვე მესამე დღეა გრძელდება. არაბული მედია ათობით დაღუპულისა და ასობით დაჭრილის შესახებ იტყობინება.
შეგახსენებთ, რომ 20 ოქტომბერს ერთი წელი შესრულდა ლიბიის ყოფილი ლიდერის მუამარ კადაფის გადაცვალებიდან. ჯამახირიის ყოფილი ლიდერი ამბოხებულებმა ჩაიგდეს ხელში და სატიკად აწამეს.
მასალის გამოყენების პირობები
