IFC-ის კვლევა მიზნად ისახავს პრობლემური საკითხების გამოვლენას, რათა მათი გადაწყვეტის გზით, კიდევ უფრო გაუმჯობესდეს ბიზნეს გარემო საქართველოში. IFC-ის საგადასახადო სისტემა საქართველოში 1000-ზე მეტი მეწარმე გამოკითხა. რესპოდენტთა 75 პროცენტი მიიჩნევს, რომ ბიზნესგარემო მეტ-ნაკლებად, ან საკმაოდ მიმზიდველია. გამოკითხულთა მხოლოდ 0,11 პროცენტმა ახსნა კორუფცია, როგორც პრობლემა საბიუჯეტო ორგანიზაციებთან ურთიერთობისას და მხოლოდ 6 პროცენტს სმენია სამთავრობო ორგანოებში კორუფციის შესახებ.

"ეს კვლევა ნათლად ასახავს საქართველოს მნიშვნელოვან პროგრესს კორუფციის დაძლევისა და ბიზნეს გარემოს გაუმჯობესების თვალსაზრისით. კვლევის შედეგები ასევე წარმოადგენს იმ სფეროებს, სადაც დამატებითი რეფორმების განხორციელებაა შესაძლებელი. მზად ვართ, განვაგრძოთ მუშაობა საქართველოს მთავრობასთან, რათა კიდევ უფრო გაუმჯობესდეს გარემო კერძო ბიზნესისთვის და მეწარმეებმა რეფორმების შედეგებით ისარგებლონ", - განაცხადა, IFC-ის რეგიონულმა მენეჯერმა კავკასიაში თომას ლუბეკმა.

შემოსავლების სამსახურის უფროსი ჯაბა ებანოიძე აცხადებს, რომ დღეს ბიზნეს საგადასახადო წნეხთან მიმართებაში პრეტენზია აღარ აქვს, რადგანაც სამსახურში მნიშვნელოვანი რეფორმები გატარდა და მათი მიდგომა ბიზნესის მიმართ უფრო ლიბერალური გახდა. ჯაბა ებანოიძე, IFC-ის კვლევაზე დაყრდნობით აცხადებს, რომ დღეს ბიზენს საგადასახადო წნეხზე უფრო მეტად კომუნალური გადასახადების პრობლემა აწუხებს

"გასული ორი წლის განმავლობაში შემოსავლების სამსახურში საკმაოდ სერიოზული რეფორმები განხორციელდა. რამაც მნიშვნელოვნად გაამარტივა ბიზნესპროცედურები და ზოგადად საკმაოდ ლიბერალური გახდა საგადასახადო კანონმდებლობა. IFC-ის მიერ ჩატარებულმა კვლევამაც დაადასტურა, რომ გატარებული რეფორმების შედეგად ქვეყანაში ბიზნეს გარემო გაუმჯობესდა. აღსანიშნავია, რომ გამოკითხული ბიზნესმენების საკმაოდ დიდი უმრავლესობა შემოსავლების სამსახურის მომსახურებით კმაყოფილნი არიან და საკმაოდ სასიამოვნოა ისიც, რომ პირველ რიგში ბიზნესი სხვა ტიპის პრობლემებს ასახელებს, როგორიცაა მათი პროდუქციის მოთხოვნის ზრდა ან კლება, ბაზარზე კონკურენცია. მხოლოდ 3-5 %-ი ასახელებს, რომ მათი ბიზნესის კლების, ან ზრდის მიზეზი იყო საგადასახადო კანონმდებლობა, ან საგადასახადო წნეხი. ასევე აღსანიშნავია, რომ ბიზნესმენთა უმეტესობა ასახელებს, რომ კომუნალური გადასახადები უფრო მეტი ტვირთია ბიზნესისთვის ვიდრე საგადასახადო გადასახადი. ეს კიდევ ერთხელ ნიშნავს იმას, რომ ის ძველი მიზეზები, რომელიც საგადასახადო ტვირთით იწყებოდა თითქმის შეიცვალა და ბიზნესი პრობლემად სხვა ფაქტორებს ასახელებს", - აღნიშნა შემოსავლების სამსახურის უფროსმა ჯაბა ებანოიძემ.

ბიზესომბუდსმენის აზრით, კვლევის განზოგადება მთელს საქართველოზე შეიძლება. პერტაის განმარტებით, ბიზნესისთვის მთავარი პრობლემა კორუფცია აღარ არის.

"საინტერსო კვლევაა და ჩემი აზრით ამ მონაცემების განზოგადება მთელს ქვეყანაზე შესაძლებელია. მნიშვნელოვანია, რომ დადასტურა ის, რასაც ჩვენი პრაქტიკაც მოწობს, რომ საქართველოში ბიზნესი კეთებასთან დაკავშირებით კორუფციის მაჩვენებელი ფაქტობრივად აღარ არსებობს, ანუ კორუფციასთან შეხება ბიზნესმენებს არ აქვთ. ჯარიმების ნაწილი შემცირებულია და ბიზნესმენების შეგრძნება მომავალთან მიმართებაში საკმაოდ პოზიტიურია"- აცხადებს გიორგი პერტაია.

IFC -ის კვლევის თანახმად, 2011 წელს მსხვილ საწარმოებს ზრდის უკეთესი მაჩვენებლები ქონდათ, ვიდრე მცირე საწარმოებს. გამოკითხულ მსხვილ საწარმოთა ნახევარზე მეტი გაფართოვდა 2011 წელს 2010 წელთან შედარებით. გამოკითხული მცირე საწარმოების მხოლოდ 17 პროცენტი გაფართოვდა, ხოლო 43 პროცენტში ამავე პერიოდში კლების ტენდენცია შეინიშნებოდა. კლების ერთ-ერთ მთავარ მიზეზად დაბალი საბაზრო მოთხოვნა სახელდება. კვლევამ ასევე გამოავლინა ის პრობლემები, რომელსაც მეწარმეები აწყდებიან, მათ შორის ფინანსებზე ხელმისაწვდომობა, ჯარიმები, მაღალი საგადასახადო განაკვეთები და კომუნალური ხარჯები.