საქართველოს ბანკმა, GE Healthcare-მა, რომელიც წარმოადგენს GE-ს (NYSE: GE) ჯანდაცვის ბიზნესმიმართულებას და მაღალი სამედიცინო ტექნოლოგიების ცენტრი, საუნივერსიტეტო კლინიკამ, განაცხადეს სამხრეთ კავკასიაში პირველი, GE Healthcare-ის წარმოების PET/CT (პოზიტრონულ- ემისიური ტომოგრაფი/კომპიუტერული ტომოგრაფით) სისტემის შეძენის შესახებ. PET/CT სისტემა შეიძინა მაღალი სამეციდინო ტექნოლოგიების ცენტრი, საუნივერსიტეტო კლინიკამ, ცენტრალურ აზიაში GE Healthcare-ის წარმომადგენლობის მეშვეობითა და საქართველოს ბანკის დაფინანსებით.
ბოლო სტატისტიკის თანახმად, საქართველოში ყოველწლიურად რეგისტრირდება სიმსივნის 7,000 ახალი შემთხვევა. აქამდე, პაციენტებს საქართველოდან, რომლებიც საჭიროებდნენ PET/CT სკანირებას, უწევდათ საზღვარგარეთ გამგზავრება. PET/CT-ის შეძენა „მაღალი სამეციდინო ტექნოლოგიების ცენტრი, საუნივერსიტეტო კლინიკის" მიერ, არა მარტო დაეხმარება პაციენტებს მკურნალობისთვის ძვირფასი დროის დაზოგვაში, არამედ ასევე დანახარჯების შემცირებაში, ვინაიდან მომსახურება რომელსაც საქართველოში მიიღებენ, უფრო ხელმისაწვდომი იქნება. ქვეყანაში პირველი PET/CT სკანერის შეძენა ხელს შეუწყობს საქართველოში ჯანდაცვაზე ხელმისაწვდომობის გაუმჯობესებას. ხსენებული PET/CT სკანერის დამონტაჟება კლინიკაში 2012 წლის მაისში დაიწყება.
PET/CT სისტემა წარმოადგენს ფუნცქიონალური დიაგნოსტიკის ექსკლუზიურ მეთოდს, რომელიც საშუალებას იძლევა აღმოჩენილ იქნას სიმსივნის ადრეული გავრცელება. ეს ძალიან მნიშვნელოვანია მკურნალობის სწორი ტაქტიკის განსაზღვრისათვის. სკანერის არსებობა საშუალებას მისცემს პაციენტებს საქართველოში, ისევე როგორც მთლიანად კავკასიის რეგიონში, მიიღონ სწორი დიაგნოზი და დაენიშნოთ შესაბამისი მკურნალობა. PET/CT სკანერის შეძენით, იკვრება ონკოლოგიური მომსახურების სრული პაკეტი, რომელიც მოიცავს დიაგნოსტიკას, მკურნალობას და მკურნალობის შედეგების შეფასებას.
PET/CT სკანერი, ეს არის პოზიტრონულ-ემისიური ტომოგრაფისა (PET) და კომპიუტერული ტომოგრაფის (CT) კომბინაცია. ამ ორი ტიპის კვლევის ერთდროული ჩატარება მაღალეფექტურია ისეთი სიმსივნის აღმოჩენაში, რომელიც შეიძლება არ გამოჩნდეს ცალ-ცალკე მხოლოდ CT-ის თუ PET კვლევით. მაშინ როდესაც CT დეტალურად აჩვენებს ანატომიურ სტრუქტურას, PET აძლევს ექიმს ინფორმაციას ორგანოს ფუნქციონირებასა და მეტაბოლიზმზე. PET/CT კვლევის დროს, პაციენტი განთავსებულია საკვლევ მაგიდაზე და რგოლის მაგვარი ფორმის სკანერის ქვეშ ნელა მოძრაობს. რასაც, როგორც წესი სულ 20 წუთი სჭირდება.
შეგახსენებთ, რომ საქართველოს ბანკი ქვეყნის წამყვანი ბანკია, მთლიანი აქტივების (საბაზრო წილი 35.6%), მთლიანი სესხების (საბაზრო წილი 34.5%) და კლიენტთა დეპოზიტების (საბაზრო წილი 35.6%) მიხედვით (2011 წლის 31 დეკემბრის მდგომარეობით, ბანკების მიერ ეროვნული ბანკისთვის მიწოდებული ფინანსური ინფორმაციის საფუძველზე). საქართველოს ბანკი მის კლიენტებს სთავაზობს კორპორატიული და საცალო საბანკო, დაგროვილი ქონების მართვის, საბროკერო და სადაზღვევო მომსახურების ფართო
რაც შეეხება GE Healthcare-ს, ის უზრუნველყოფს სამედიცინო ტექნოლოგიებსა და სერვისებს, რომლებიც აყალიბებენ პაციენტთა მოვლის ახალ ერას. სამედიცინო გამოგონებებისა და ინფორმაციული ტექნოლოგიების, სამედიცინო დიაგნოსტიკის, პაციენტთა მონიტორინგის სისემტების, წამლების აღმოჩენის, ბიოფამრაცევტული წარმოების ტექნოლოგიების, წარმადობის გაუმჯობესებისა და წარმადობის გადაყწვეტის მომსახურების ჩვენი ფართო გამოცდილება, ეხმარება ჩვენს კლიენტებს, მსოფლიოში რაც შეიძლება მეტი ადამიანისთვის უზრუნველყონ უკეთესი მოვლა, უფრო დაბალი დანახარჯებით. დამატებით, ჩვენ ვთანამშრომლობთ ჯანდაცვის სფეროს ლიდერებთან, რათა ვუზრუნველყოთ გლობალური მიდგომის ცვლილება, რათა წარმატებით მოხდეს გადართვა მდგრადი ჯანდაცვის სისტემების ჩამოყალიბებაზე.
