„საქკაბელმა" წარმოების რეაბლიტაცია ახალი მენეჯმენტის მიერ 2006 წელს დაიწყო. ერთ წელიწადში 3 მილიონი დოლარის ინვესტიცია განახორციელა.
დღეს "საქკაბელის" ზესტაფონის ქარხანაში დასაქმებულია 200 თანამშრომელი, რომელთა საშუალო ხელფასია 600 ლარია. ხლო თბილისში სამი თვის განმავლობაში დაგეგმილია 150 დილერი დასაქმება.
2012 წლის ბოლომდე თბილისსა და სხვა დიდი ქალაქებში გაიხსნება 4 ახალი მაღაზია და შესაბამისად შეიქმნება 50 სამუშაო ადგილი.
გარდა იმისა, რომ კომპანია ცდილობს დაასაქმოს მოსახლეობა, ის ასევე თანამშრომლების კვალიფიკაციის ამაღლებაზეც ზრუნავს. კომპანიაში მიაჩნიათ რომ კვალიფიციური კადრის მოზმადება ადრეულ ასაკში უნდა დაიწყოს.
„დღეს ამ სფეროში კადრების პრობლემაა, მაგრამ ვცდილობთ ეს საკითხი დავარეგულიროთ. ამ სფეროში თაობათა ცვლა აუცილებელია. სპეციალისტი რომელიც გაიზრდება სასწავლებელში, ის სწორ გზაზე უნდა დააყენო, მას თუ არ მიუთითე ან თუ არ ასწავლე დამოუკიდებლად ვერფარს შეძლებს. ჩვენ გადავწყვიტეთ ჩვენვე შეგვექმნა ასეთი ბაზა. ზესტაფონში, ერთერთი უმაღლეს სასწვალებლის ბაზაზე შევქმნეით ჯგუფი, რომელსაც კომპანია აფინანსებს. ამ ჯგუფში გაწევრიანებული სტუნდენტები პერიოდულად გადიან პრაქტიკულ სამუშაოებს საწარმოში. ამის პარალელურად ისინი სასწვალებელში თეორიულ ცოდნასაც ღებულობენ. ჩვენ ასევე ვზრუნავთ თანამშრომლების კვალიფიკაციის ამაღლებაზე, ვაგზავნით კადრებს საზღვარგარეთ მივლინებით. გადიან ტრენინგებს, სემინარებს. ასევე მოგვყვავს საზღვარგარეთიდან კვალიფიციური კადრები. ხდება ტექნოლოგიებისა და ინფორმაციების გაცვლა," - აღნიშნავს სს „საქკაბელის" სამეთვალყურეო საბჭოს თავმჯდომარე ედიშერ მამალაძე.
შეგახსენებთ, რომ „საქკაბელი" 1959 წელს დაარსდა. წარმოების რეაბილიტაცია ახალი მენეჯმენტის მიერ 2006 წლიდან დაიწყო და დღეს 74 ტიპის დასახელების 2000-ზე მეტი დასახელების ასორტიმენტს აწარმოებს. 2006-2007 წლებში ქარხანაში 3 მილიონი დოლარის ინვესტიცია განხორციელდა.
2007-2011 წლებში ქართული პროდუქციით რუსული და სხვა იმპორტული პროდუქციის ჩანაცვლება განხორციელდა: მოხდა საქართველოს ქალაქებისა და სოფლების გამრიცხველიანება, შეიცვალა გარე განათების სისტემა საქართველოს მსხვილ ქალაქებში, განხორციელდა საქართველოს რკინიგზისთვის სასიცოცხლოდ აუცილებელი სპეციფიკური კაბელების წარმოება, განხორციელდა ექსპორტი სომხეთის რესპუბლიკაში.
საწარმოში დასაქმებულია 200 თანამშრომელი, რომელთა საშუალო ხელფასი 600 ლარს აღემატება.
