2012 წელი კომპანია „საქკაბელმა" რეპოზიციონირებით დაიწყო და რებრენდინგი განახორციელა. ბრენდის ახალი საიდენტიფიკაციო ატრიბუტიკა ბიზნეს ორიენტაციასა და წლების განმავლობაში დაგროვილ გამოცდილებას აერთიანებს, რომლის მეშვეობითაც კომპანიამ ბაზარზე ლიდერის პოზიციის დამკვიდრება უკვე შეძლო.
„ჩვენ შევეცადეთ დაგვემსხვრია გავრცელებული სტერეოტიპი ,,უცხოური კარგია" და შემოგვეტანა ახალი - ,,ჩვენც შეგვძლებია". საქკაბელის პროდუქცია დამზადებულია საქართველოში. ეს ჩვენ გვეამაყება და განსაკუთრებულ პასუხისმგებლობას გვანიჭებს," - გნამრტავს კომპანიის მმართველი პარტნიორი ედიშერ მამალაძემ.
მიმდინარე წელს "საქკაბელი" საექსპორტო პროდუქციის მოცულობის ზრდასა და ექსპორტის გეოგრაფიული არეალის გაფართოებას გეგმავს.
დღეისათვის კომპანია ექსპორტზე მხოლოდ სომხეთის ბაზარზე გადის, მომავალში იგეგმება ევროპისა და აზიის ქვეყნებზეც გასვლა, მათ შორის აზრბაიჯაინისა და თურქეთის ბაზარების ათვისება. 2011 წელს კომპანიამ 20 მილიონამდე რეალიზაცია (ლარი) შეძლ,მოგებამ კი მილიონ ლას მიაღწია. კომპანიაში დავიწყეს ახალი ტიპის პროდუქციის წარმოება, მოხდა გადაიარაღება, რამაც საშუალება მისცა რომ კიდევ უფრო მეტი ასორტიმენტი ეწარმოებინა და ჩაგვენაცვლებინა იმპორტული პროდუქცია. როგორც კომპანიაში აცხადებენ გამორიცხული არ არის რუსთეის ბაზრებზეც გასვლა.
შეგახსენებთ, რომ „საქკაბელი" 1959 წელს დაარსდა. წარმოების რეაბილიტაცია ახალი მენეჯმენტის მიერ 2006 წლიდან დაიწყო და დღეს 74 ტიპის დასახელების 2000-ზე მეტი დასახელების ასორტიმენტს აწარმოებს.
2006-2007 წლებში ქარხანაში 3 მილიონი დოლარის ინვესტიცია განხორციელდა. 2007-2011 წლებში ქართული პროდუქციით რუსული და სხვა იმპორტული პროდუქციის ჩანაცვლება განხორციელდა: მოხდა საქართველოს ქალაქებისა და სოფლების გამრიცხველიანება, შეიცვალა გარე განათების სისტემა საქართველოს მსხვილ ქალაქებში, განხორციელდა საქართველოს რკინიგზისთვის სასიცოცხლოდ აუცილებელი სპეციფიკური კაბელების წარმოება, განხორციელდა ექსპორტი სომხეთის რესპუბლიკაში. საწარმოში დასაქმებულია 200 თანამშრომელი, რომელთა საშუალო ხელფასი 600 ლარს აღემატება.