დღეს, მთავრობის კანცელარიაში ვიცე პრემიერ-მინისტრი გიორგი ბარამიძე ევროკავშირის "აღმოსავლეთ პარტნიორობის" სამოქალაქო საზოგადოების ეროვნული პლატფორმის წარმომადგენლებს შეხვდა. შეხვედრაზე განიხილეს საქართველო-ევროკავშირის თანამშრომლობის აქტუალური საკითხები. გიორგი ბარამიძემ 30 სექტემბერს ვარშავაში გამართული „აღმოსავლეთ პარტნიორობის" სამიტის შედეგების შესახებ ისაუბრა.
ვიცე პრემიერ-მინისტრმა აღნიშნა, რომ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი მზად არის გააგრძელოს აქტიური თანამშრომლობა ეროვნულ პლატფორმასთან აღმოსავლეთ პარტნიორობის პრინციპულ საკითხებზე, რათა ერთობლივად ჩამოყალიბდეს საქართველოს პოზიცია და მიდგომები აქტუალური თემების მიმართ.
გიორგი ბარამიძემ ხაზი გაუსვა არასამთავრობო ორგანიზაციების როლს საქართველოს ოკუპირებულ ტერიტორიებზე მცხოვრები მოსახლეობის უფლებების დაცვის, ეთნიკური წმენდის და ოკუპაციის აღიარების, დევნილების ღირსეული დაბრუნებისა და სხვა საკითხების მხადაჭერის პროცესში.
შეხვედრაზე აღნიშნა, რომ სამოქალაქო სექტორს შეუძლია თავისი წვლილი შეიტანოს ევროკავშირთან სავიზო რეჟიმის გამარტივებისა და რეადმისიის შესახებ ხელშკრულებების მონიტორინგში, მისი დარღვევების შესახებ ინფორმაციის მოპოვებასა და არსებული ვითარების შესწავლის კუთხით.
აღსანიშნავია, რომ როგორც აღმოსავლეთ პარტნიორობის საკითხების კოორდინატორი უწყება ევროპულ და ევროატლანტიკური სტრუქტურებში ინტეგრაციის საკითხებში სახელმწიფო მინისტრის აპარატი აქტიურად თანამშრომლობს აღმოსავლეთ პარტნიორობის სამოქალაქო საზოგადოების ეროვნული პლატფორმის წარმომადგენლებთან. დღეს ამ ფორმატის მესამე შეხვედრა გაიმართა.
