პოლიტიკური პარტია "საქართველოს გზა" ეხმიანება სამოქალაქო რეესტრის მიერ გაკეთებულ განცხადებას ბიძინა ივანიშვილისთვის საქართველოს მოქალაქეობის შეწყვეტასთან დაკავშირებით.
2010 წლის თვითმმართველობის არჩევნებისთვის შედგენილ ამომრჩეველთა ერთიან სიაში დაფიქსირდა პირი, რომლის სახელი, გვარი, დაბადების თარიღი, თვე, დაბადების წელი და საცხოვრებელი მისამართი (სოფ. ჭორვილა) ემთხვევა ბიძინა ივანიშვილის მონაცემებს, რომლის სახელზედაც, სამოქალაქო რეესტრის სააგენტოს, საქართველოს მოქალაქის პირადობის დამადასტურებელი მოწმობა გაცემული აქვს 2006 წლის 7 მარტს. შესაბამისად, აღნიშნულ პირს მიეცა 2010 წლის არჩევნებში ხმის მიცემის უფლება. მოვუწოდებთ სამოქალაქო რეესტრს, დაგვიდასტუროს ან უარყოს ბიძინა ივანიშვილის და ჩვენ მიერ, ამომრჩეველთა სიაში ნანახი პიროვნების იდენტურება", - აღნიშნულია "საქართველოს გზის" პრესსამსახურის მიერ გავრცელებულ განცხადებაში.