საქართველოს პარლამენტის თავმჯდომარე დავით ბაქრაძე დიდ ბრიტანეთში გაემგზავრება. პარლამენტის პრეს-სამსახურის ინფორმაციით, ბაქრაძე "კონსერვატიული პარტიის" ყრილობას დაესწრება.
დავით ბაქრაძე დიდ ბრიტანეთში შვედეთიდან გაემგზავრა, სადაც მონაწილეობა მიიღო
"ევროკავშირის აღმოსავლეთ სამეზობლო - ავტორიტარულ და დემოკრატიულ გადასვლას შორის" კონფერენციაში მონაწილეობა.
შევედეთში გამართულ დისუსიაზე პარლამენტის თავმჯდომარემ საქართველოსა და ევროპის კიდევ უფრო დაახლოების პერსპექტივებზე ისაუბრა. მან კონფერენციის მონაწილეებს ქვეყანაში მიმდინარე დემოკრატიული რეფორმები გააცნო და აღნიშნა, რომ ჩვენი ქვეყნის ევროპასთან დაახლოების პროცესს ეს კიდევ უფრო შეუწყობს ხელს.
შვედეთში გამართულ კონფერენციაში საქართველოს უშიშროების საბჭოს მდივანი გიგა ბოკერია, შვედეთის საგარეო საქმეთა მინისტრი კარლ ბილდტი, ესტონეთის პრეზიდენტი ტოომას ჰენდრიკ ილვესი, გორან ლენმარკერი, რუსეთის ფედერაციის ყოფილი პრემიერ-მინისტრი მიხეილ კასიანოვი, ესტონეთის თავდაცვის მინისტრი მარტ ლაარი და სხვა მაღალი რანგის წარმომადგენლები მონაწილეობდნენ.