რესპუბლიკური პარტიის ერთ-ერთი ლიდერი და საკრებულოს დეპუტატი თინა ხიდაშელი საკრებულოს ამჟამინდელი სამუშაო პირობებით უკმაყოფილოა. ამის შესახებ დეპუტატმა საკრებულოს დღევანდელ სხდომაზე განაცხადა.
ხიდაშელმა თბილისის მერიას მუნიციპალური შენობის დარბაზის გამოყოფის თხოვნით მიმართა.
"დღევანდელმა შეხვედრამაც კარგად აჩვენა, თუ რა მძიმე მდგომარეობა გვაქვს, ნუთუ დედაქალაქის მერიას იმის შესაძლებლობა არ აქვს, რომ თვეში ერთხელ გამოგვიყოს უფრო დიდი და კომფორტული დარბაზი",- განაცხადა ხიდაშელმა.
"რესპუბლიკური პარტიის" ერთ-ერთი ლიდერის ინიციატივას, თბილისის სოციალური მომსახურებისა და კულტურის საქალაქო სამსახურის უფროსი მამუკა ქაცარავა სხდომაზევე გამოეხმაურა და განაცხადა, რომ მერიას ალტერნატიული ფართის შეთავაზება ამ ეტაპზე არ შეუძლია.
