საკრებულოს დეპუტატი ინგა გრიგოლია ხელისუფლებას სასამართლოზე ზეწოლაში ადანაშაულებს, როგორც ფრაქცია „ქისტიან -დემოკრატიების ერთ-ერთმა ლიდერმა საკრებულოს სხდომაზე განაცხადა, თბილისის საქალაქო სასამართლომ არ დააკმაყოფილა მათ მიერ შეტანილი სარჩელი, რომელიც გაერთიანებული ქვითრების გაუქმებას ეხებოდა.
გრიგოლიამ ნაციონალური მოძრაობის წარმომადგენლები სასამართლო გადაწყვეტილებებში ჩარევაში დაადანაშაულა.
"ნაციონალურ მოძრაობას ფეხქვეშ ჰყავს გაგდებული სასამართლო, ამას მის მიერ გამოტანილი განაჩენიც ცხადყოფს. მე ხელთ მაქვს ის ქვითრები, სადაც მოსახლეობას დენის გადასახდზე დასუფთავების გადასახადის დამატების შემდეგ 2.50 ლარის ნაცვლად 9.75 ლარი მოუვიდა.",- განაცხადა ქდმ-ის წევრმა.
გრიგოლიამ უმრავლესობას შეცდომის აღიარებისკენ მოუწოდა და გაერთიანებული ქვითრების შესახებ მიღებული გადაწყვეტილება უკან წაღება მოსთხოვა.
გრიგოლიას გამოსვლას ფრაქცია "ნაციონალების" თავმჯდომარე ნიკოლოზ ხაჩირიშვილის მძაფრი რექაცია მოჰყვა.
ხაჩირიშვილის მტკიცებით, კომუნალური გადასახადების გაერთიანებული ქვითრის შემოღებით ზოგიერთ მოქალაქეს გადასახადი შეუმცირდა. დეპუტატმა გრიგოლიას ამის დასადასტურებლად მოქალაქეების კომუნალური გაერთიანებული ქვითარი დაუდო.