სამხრეთ კავკასია ეკონომიურ და პოლიტიკურ ერთეულად უნდა იქცეს და საქართველო შეთანხმების ადგილს უნდა წარმოადგენდეს. ამის შესახებ რადიო "აზატუტიუნთან" საუბრისას "თავისუფალი დემოკრატების" ლიდერმა ირაკლი ალასანიამ განაცხადა.
გაეროში საქართველოს ყოფილი ელჩის, ალასანიას აზრით, საქართველოსთვის ევროპული ინტეგრაცია პრიორიტეტულია, ამასთანავე ეს "მნიშვნელოვანია და შესაძლოა სამხრეთ კავკასიის სხვა ქვეყნებისთვისაც".
"ჩვენ ეს ერთად, თანამშრომლობით უნდა გავაკეთოთ, ერთმანეთის აღიარებით, საუბრებითა და ურთიერთობით. ასეთი სულისკვეთების თანამშრომლობა, მართავს ურთიერთობების დამყარებას ძლევამოსილი სახელმწიფოებთან", - განაცხადა ალასანიამ.
ოპოზიციონერმა ლიდერმა ამჟამინდელი ხელისუფლება და მათ მიერ წარმოებული საგარეო პოლიტიკა გააკრიტიკა.
"ვფიქრობ, პრეზიდენტ სააკაშვილის მთავარი შეცდომა იყო და არის ის, რომ ის თამაშობდა მხოლოდ ძლევამოსილ სახელმწიფოთაშორისი წინააღმდეგობით. ჩვენ ეს უნდა შევცვალოთ და საამისო რესურსიც გვაქვს", - აღნიშნა "თავისუფალი დემოკრატების" ლიდერმა.
რაც შეეხება სამხრეთ კავკასიის სამ სახელმწიფოს: საქართველოს სომხეთსა და აზერბაიჯანს, ალასანიას სიტყვებით, მოვიდა დრო, რომ ამ სამმა სახელმწიფომ თავის თავში იპოვოს ძალა, რათა დაძლიონ "უნდობლობის ეპოქა", რეალურად აღიქვან მოვლენები და პირდაპირ აღიარონ, რომ რეგიონალური უსაფრთხოების მომავალი მათ ხელთაა.
"არც ამერიკა, არც ბრიუსელი, არც მოსკოვი და არც თურქეთი ამას არ გაააკეთებს", - დაამატა მან.
სამხრეთ კავკასიის კონფლიქტებზე საუბრისას ალასანიამ აღნიშნა, რომ ამან მხოლოდ უბედურება მიტანა და პრობლემებიც გადაუჭრელი დარჩა.
"დარწმუნებული ვარ, ისევე, როგორც ყარაბახის, ასევე ქართულ-აფხაზურ და ქართულ-ოსურ კონფლიქტები სამომარი გზით ვერ გადჭრება", - მიიჩნევს ალასანია.
ალასანია მიიჩნევს, რომ საქართველო-რუსეთის საკითხი უნდა დარეგულირდეს მოლაპარაკებების მეშვეობით და ის ახლავე უნდა დაიწყოს.
"არაა საჭირო იმის ლოდინი, რომ რუსებმა თავიანთი ჯარები გაიყვანონ. სააკაშვილის ქმედება ამ საკითხთან მიმართებაში უმართებულოა და არანაირ შედეგს არ მოიტანს.
