საქართველოს პრეზიდენტის გამოსვლა გაეროს 66-ე გენერალურ ასამბლეაზე არ საჭიროებს რაიმე განსაკუთრებულ შეფასებას რუსეთის მხრიდან, ვინაიდან თითქმის არაფრით გასხვავდება მისი ადრინდელი გამოსვლებისგან საერთაშორისო ფორუმებზე. ეს განცხადება რუსეთის საგარეო საქმეთა სამინისტროში გააკეთეს. ინფორმაციას ამის შესახებ რუსული მედია ავრცელებს.
"არ ვფიქრობ, რომ ეს სიტყვა რაიმე განსაკუთრებულ კომენტარს საჭიროებს. იგი თითქმის არაფრით განსხვავდება ბატონი სააკაშვილი ნებისმიერ სხვა გამოსვლებიდან საერთაშორისო მოედნებზე. გამოსვლების აუცილებელი ელემენტებია, ერთის მხრივ, შეუკავებელი თავის ქება, მომაბეზრებელი რეკლამა "საქართველოში დემოკრატიისა და თავისუფლების ფანტასტიკური წარმატებების შესახებ", მეორეს მხრივ კი - ანტირუსული ინსინუაციები, მცდელობები, დაადანაშაულონ რუსეთი ყველა ცოდვაში "ოკუპაციიდან" "ტერორიზმამდე", - განაცხადეს რუსეთის საგარეო საქმეთა სამინისტროში მიხეილ სააკაშვილის გამოსვლის კომენტირებისას და აღნიშმავენ, რომ რუსეთს თავისი პოზიცია ყველა ამ საკითხთან მიმართებაში უკვე დაფიქსირებული აქვს.
"აქვს კი აზრი ამის გაკეთებას საქართველოს პრეზიდენტის ყველა რიტორიკული ვარჯიშის შემდეგ", _ აცხადებენ სერგეი ლავროვის უწყებაში.
