"ჩემი დრო აღარ არის, ახლა დეფის, შონზოს, ბონზოს, ქეთო და კოტეს ბუმია. მე ჩამოწერილი ვარ" - განუცხადა "ჯი-ეიჩ-ენს" პოეტმა რეზო ამაშუკელმა.
"რასაც ვწერ, ჩემთვის ინახება. მაღაზიაში რომ მივიტანო, მეტყვიან, შენი წიგნები არ იყიდებაო. არადა, დღეში 15 კაცი მირეკავს თხოვნით, სად შეიძლება თქვენი წიგნი ვიყიდოო. ვისაც საშუალება აქვს და სურს წიგნის გამოცემაში დამეხმაროს, მავანთა გამო თავს იკავებს", - აღნიშნავს ამაშუკელი.
შეგახსენებთ, რომ ამაშუკელის ლექსები და პოემები 1957 წლიდან იბეჭდება. მისი ლექსების კრებული რუსულ ენაზედაც გამოვიდა.
როგორც "ჯი-ეიჩ-ენთან" საუბარში ბატონი რეზოს შვილმა, ბაია ამაშუკელმა აღნიშნა, პოეტი სულ მუშაობს, მაგრამ მის გამოცემას ვერავინ ბედავს.
"მამაჩემი სულ მუშაობის პროცესშია, მაგრამ დღევანდელი პოლიტიკური ვითარებიდან და მისი შეხედულებებიდან გამომდინარე, მისი ნამუშევრები არ იბეჭდება", - ამბობს ბაია ამაშუკელი.
