დღეს, 19 სექტემბერს, "საქართველოს გზის" ახალგაზრდული ორგანიზაციის თავმჯდომარემ, მამუკა ბალიშვილმა, პრესკონფერენცია გამართა. "საქართველოს გზა" ეხმაურება, შეზღუდული შესაძლებლობების მქონე პირთა დისკრიმინციულ პირობებში ჩაყენებას.
მამუკა ბალიაშვილის განცხადებით, პრეზიდენტი ტყუის როდესაც ამბობს, რომ პენსია ყველა პენსიონერს გაეზარდა, რადგან შეზღუდული შესაძლებლობის მქონე პირებისთვის პენსია არ გაზრდილა.
მისი თქმით, აღსანიშნავია ის ფაქტი, რომ შშმ ბავშვებს არ აქვთ შეღავათები ახალი მიკროავტობუსებით სარგებლობისას. გარდა ამისა, სოციალურად დაუცველ ბავშვებს, რომელთა სარეიტინგო ქულა 200 000 ის ქვევითაა სახელმწიფო სრულად უფინანსებს საბავშვო ბაღებში გადასახადს, ხოლო იმავე ასაკის შშმ ბავშვები, რომლებიც საბავშვო ბაღში ვერ დადიან და სარგებლობენ "დღის ცენტრების" სერვისით სახელმწიფოსგან ფინანსდებიან მხოლოდ 100 000 სარეიტინგო ქულის ქვევით, რაც შშმ ბავშვების დისკრიმინაციულ პოზიციაში ჩაყენებაა.
"საქართველოს გზა"კატეგორიულად მოითხოვს ხელისუფლებისგან დაიცვას სოციალური თანასწორობის პრინციპი პენსიის გაცემისას და პენსია გაზარდოს უკლებლივ ყველა პენსიონერისთვის.
"თუ ხელისუფლება არ დააკმაყოფილებს ჩვენს კანონიერ და სამართლიან მოთხოვნებს ჩვენ სამოქალაქო პროტესტის გზით ვეცდებით დავარწმუნოთ იცინი, რომ დღეს სახელმწიფოს თანადგომა ყველაზე მეტად შეზღუდული შესაძლებლობის მქონე პირებს ჭირდებათ", - განაცხადა მამუკა ბალიაშვილმა
