რუსთაველის თეატრის მსახიობ გურამ საღარაძის განცხადებით, იმ შემთხვევაში თუ რობერტ სტურუას რუსთაველის თეატრიდან წავა, ეს ღალატი იქნება.
"დასმა უნდა სთხოვოს ბატონ რობერტს, რომ არ წავიდეს თეატრიდან. მე, ჩემი თაობის სახელით ვთხოვ ბატონ რობერტს, რომ ეს არავითარ შემთხვევაში არ გააკეთოს. იმიტომ, რომ მის გვერდში დგას ყველა და მისი წასვლა იქნება ღალატი. სტურუას უფლება არ აქვს, რომ მოჭრას ყველა ხიდი და თავი გაგვანებოს", - განაცხადა საღარაძემ მედიაკავშირ "ობიექტივის" ეთერში.
მისი თქმით, იმ ახალგაზრდა ადამიანებს, რომლებიც დღეს სცენაზე დგანან, ძალიან დააკლდებათ რობერტ სტურუა.
"ხმამაღლა ვამბობ: რობიკო, შენ არ გაქვს უფლება წახვიდე რუსთაველის თეატრიდან", - აღნიშნა საღარაძემ.
