საქართველოს პრეზიდენტის პრესსპიკერმა დღეს გამართულ ტრადიციულ ბრიფინგზე ენერგეტიკის სფეროში მიმდინარე სიახლეებზე გაამახვილა ყურადღება
მისი თქმით, დაწყებულია რამდენიმე პროექტის მშენებლობა, რაშიც 450 მილიონი დოლარის ინვესტიციაა ჩადებული.
"ექვს ჰესზე უკვე მიმდინარეობს სამუშაოები ხოლო ოთხზე დაგეგმილია სამუშაოების დაწყება. მთლიანობაში მშენებლობებზე 2 ათასი ადამიანი დასაქმდება", - განაცხადა მანჯგალაძემ.
მისი თქმით, 2012 წლიდან იწყება საქართველოს მთავრობის მხრიდან მემორანდუმის დონეზე მოწერილი პროექტების განხორციელება.
"ეს მოიცავს 15 პროექტს, რომლებიც 2012-2017 წლებზეა გაწერილი. წინასწარი მონაცემებით ამ ობიექტებზე 15 ათასი ადამიანი დასაქმდება და მთლიანობაში მასში 3 მილიარდამდე დოლარის ინვესტიციის მოზიდვა იგეგმება".
მანჯგალაძემ ისაუბრა "რთველი 2011"-ის შესახებაც. მისი თქმით, ამ მიმართულებით დასახმარებლად გამოყოფილია 10 მილიონი ფინანსური დახმარება. ხელისუფლების მთავარი ამოცანაა დაეხმაროს გლეხებს მოსავლის დაბინავებაში", - აღნიშნა მანჯგალაძემ.
