საქართველოს პრეზიდენტი ევროპის 2012 წლის საკალათბურთო ჩემპიონატზე საქართველოს ეროვნულ ნაკრების გამოსვლას წარმატებულად აფასებს. როგორც პრეზიდენტის პრეს-სპიკერმა მანანა მანჯგალაძემ დღეს გამართულ ბრიფინგზე განაცხადა, ისტორიაში პირველად საქართველოს ეროვნული ნაკრები ევროპის 12 საუკეთესო გუნდს შორის მოხვდა.
"აღსანიშნავია ისიც, რომ მსოფლიო ჩემპიონატზე ითამაშებს საქართველოს ნაკრები რაგბიში. ისინი პირველ მატჩს ხვალ გამართავენ. საქართველოს პრეზიდენტმა რაგბის ფედერაციის მესვეურებს საგანგებო წერილი გადასცა, რომლის მიხედვითაც პრეზიდენტი მორაგბეებს წარმატებებსა და კარგ თამაშს უსურვებს", - განაცხადა მანჯგალაძემ.
შეგახსენებთ რომ ევროპის 2011 წლის ჩემპიონატი კალათბურთში ლიტვაში მიმდინარეობს. საქართველოს ნაკრები ევროპაზე პირველად გავიდა და მათ მეორე ჯგუფურ ეტაპზე დაასრულეს ასპარეზობა. რაგბის მსოფლიო თასი კი ახალ ზელანდიაში მიმდინარეობს. "ბორჟღალოსნები" პირველ შეხვედრას ხვალ შოტლანდიის ნაკრების წინააღმდეგ გამართავენ. ქართველი მორაგბეები მსოფლიო თასზე ზედიზედ მესამედ გავიდნენ.
