სამონადირეო მეურნეობის მართვის გეგმის საჯარო განხილვა იწყება. სსიპ „ბუნებრივი რესურსების სააგენტო", სამონადირეო მეურნეობა შპს "ალაზნის ჭალასათვის" გაცემული სამონადირეო მეურნეობის სპეციალური ლიცენზიის პირობების შესაბამისად, შემუშავებულ სამონადირეო მეურნეობის მართვის გეგმას საჯარო განხილვას იწყებს.
მართვის გეგმა ითვალისწინებს ეკოსისტემის დამანგრეველი ქაოტური ბუნებათსარგებლობის პროცესის შეჩერებას სამეურნეო და რეკრეაციული გამოყენების მართვადი ეკოსისტემის ორგანიზაციის და გაძღოლის მეშვეობით.
გეგმის მიხედვით, ტერიტორიის ბიოლოგიურ-ეკონომიკური პოტენციალის
ეფექტიანი გამოყენება შესაძლებელია მხოლოდ ეკოსისტემის კომპონენტების ბუნებრივი თანაზომიერების შენარჩუნებით და მდგრადი განვითარებით. შედეგად მიღებული იქნება სტაბილური სამეურნეო და ბიოლოგიური პროდუქცია და საბოლოო ჯამში,
სტაბილური ყოველწლიური ფინანსური შემოსავლები.
მართვის გეგმის მიხედვით გათვალისწინებულია საქმიანობის განხორციელება სამონადირეო მეურნეობის ფუნქციონირების შემდგომი ათი წლის განმავლობაში.
