მოსკოვის გარეუბან ორეხოვო-ზუევოში მამამ შვილის მკვლელი სასამართლო სხდომის შემდეგ მოკლა.
შემთხვევა სასამართლო შენობიდან რამდენიმე მეტრში მოხდა.
გავრცელებული ინფორმაციით, ორეხოვო-ზუევოს 54 წლის მცხოვრებმა, რომელსაც ორი წლის წინ შვილი მოუკლეს, მკვლელობაში ბრალდებულს გადაჭრილი თოფიდან სამჯერ ესროლა, რის შედეგადაც 29 წლის ბრალდებული ადგილზე გარდაიცვალა.
მოკლულის მამამ ვალიდ ალიევმა განაცხადა, რომ მან ბრალდებულზე შური იძია, რადგან არ სჯეროდა სასამართლოს ობიექტური გადაწყვეტილების და ეჭვობდა, რომ არსებობდა შესაძლებლობა ის სასამართლოს გაეთავისუფლებინა.
ალიევმა ასევე აღნიშნა, რომ სასამართლო პროცესის ერთ-ერთ ბოლო სხდომაზე, ბრალდებულის მხარემ ცრუ მოწმეები წარმოადგინა, რომლებიც ჩვენებას ბრალდებულის სასარგებლოდ აძლევდნენ და სწორედ აღნიშნული გახდა მისი ქმედების მთავარი მოტივი.
