გერმანიის ქალაქი ბონი ქვეყნის პირველი დასახლებული პუნქტია, სადაც მსოფლიოს უძველესი პროფესიის წარმომადგენლებს გადასახადის გადახდას დააკისრებენ.
ქალაქის ხელისუფლებამ ადგილებში, სადაც "მუშაობენ" მეძავები დადგა სპეციალური ავტომატები (ავტოპარკირების ადგილებში მდგარი ავტომატების ანალოგიური).
უკვე ქუჩაში "მუშაობის" მსურველმა თავისი მსუბუქი ყოფაქცევისთვის უნდა გადაიხადოს.
სექსმრიცხველების მუშაობის პრინციპი ზუსტად ისეთია, როგორც ავტომანქანების პარკირების აპარატების. "მუშაობის" დაწყებამდე, გოგონამ ავტომატში 6 ევრო უნდა ჩაუშვას, ეს თანხა საკმარისი იმისათვის, რათა მას ერთი ღამის განმავლობაში მოცემულ ტერიტორიაზე, "მუშაობის" უფლება მიეცეს.
სექსმუშაკი ვალდებულია ქვითარი მთელი ღამის განმავლობაში შეინახოს, რათა გამორიცხული არ არის, რომ ისინი კონტროლიორებმა შეამოწმონ. თუ კი სექსმუშაკს სათანადო ქვითარი არ აღმოაჩნდება, მაშინ ის 100 ევროს ოდენობით დაჯარიმდება.
უნდა აღინიშნოს, რომ ბონში ლეგალიზებული ბორდელები დიდიხანია სახელმწიფოს გადასახადებს უხდიან.
ქალაქის ხელისუფლება აცხადებს, რომ ახალი გადასახადის შემოღებით ისინი ქალაქის ბიუჯეტს 200 ათასი ევროთი გაზრდიან.
ამჟამად მათი მონაცემებით, ყოველ ღამე ბონის ქუჩებში 200-ზე მეტი სექსმუშაკი საქმიანობს.
ბონში მეძავეობა მხოლოდ ერთ ქუჩაზეა ნებადართული.
