თბილისი-სენაკი-ლესელიძის საავტომობილო მაგისტრალის იგოეთის მონაკვეთზე მეწყერი ჩამოწვა, რამაც გზის სავალი ნაწილი დააზიანა და მოძრაობის შეფერხება გამოიწვია.
გზის დაზიანების გამო ავტომანქანები, როგორც დედაქალაქიდან დასავლეთისკენ, ისე თბილისის მიმართულებით ავტობანის მხოლოდ მარჯვენა ზოლში გადაადგილდებოდნენ.
მეწყერის ჩამოწოლის შედეგად არავინ დაშავებულა.
დამეწყრილი მონაკვეთი ამ დროისთვის გაწმენდილია. იქ შესაბამისი სამუშაოები რამდენიმე საათის განმავლობაში მიმდინარეობდა. ამ დროისთვის თბილისი-სენაკი-ლესელიძის იგოეთის მონაკვეთზე ორმხრივი მოძრაობა აღდგენილია.
