გია გეგუჩაძე "ჯი-ეიჩ-ენთან" საუბარში საფეხბურთო კლუბ "ზესტაფონის" მთავარი მწვრთნელის თანამდებობის დატოვებას ადასტურებს.
"კლუბის დატოვება შტურმთან მარცხის შემდეგ გადავწყვიტე. მთავარი მიზეზი ის არის, რომ პირადად მე დამრჩა დაუკმაყოფილებლობის გრძნობა ჩემპიონთა ლიგიდან გამოვარდნით, რადგან მივიჩნევ, რომ მეტი შეგვეძლო გაგვეკეთებინა. კლუბის პრეზიდენტთან შედგა საუბარი და ჩემი სურვილით დავტოვე თანამდებობა", - განუცხადა "ჯი-ეიჩ-ენს" გეგუჩაძემ.
მისი თქმით, საუბარი იმის შესახებ, რომ მან ეს გადაწყვეტილება სხვა კლუბებისგან შემოთავაზების გამო მიიღო, ზედმეტია.
ამჟამად მთავარი მწვრთნელის მოვალეობას გია ჭიაბრიშვილი ასრულებს.
