ისინი, ვინც კიტოვანს პოულობენ და მისგან ინტერვიუს იღებენ, ვლადისლავ არძინბას ხსოვნას შეურაცხყოფენ. ამის შესახებ აფხაზეთის სეპარატისტული რეჟიმის ე.წ. პრეზიდენტის მოვალეობის შემსრულებელმა ალექსანდრე ანქვაბმა, საქართველოს ყოფილი თავდაცვის მინისტრ თენგიზ კიტოვანის ინტერვიუზე კომენტირებისას განაცხადა.
"ისინი, ვინც პოულობენ კიტოვანს, იღებენ მისგან ინტერვიუებს და ამ სისულელეებს აფხაზეთში ავრცელებენ, ვლადისლავ არძინბას შეურაცხოფას აყენებან. თან ისინი ამას აკეთებენ შეგნებულად, რადგანაც ეს სახმედრო დამნაშავე ბრალს სდებს, რომ ჯარების შემოყვანა ჩვენი ხალხის ლიდერთან იყო შეთანმხებული", - აღნიშნა ანქვაბმა ამომრჩევლებთან შეხვედრისას.
მისივე თქმით, კიტოვანის ბოდვას აფხაზი ხალხისთვის არავითარი მნიშვნელობა არ აქვს.
"ჩვენი ხალხისთვის არავითარი მნიშვნელობა არ აქვს იმ ადამიანის ბოდვას, ვინც ანადგურებდა ჩვენს ხალხს, ანგრევდა ქალაქებსა და სოფლებს", - დასძინა მან.
ამასთან, აქვაბის საარჩევნო შტაბში აღნიშნავენ, რომ პრემიერ-მინისტრი სერგეი შამბა ღირსეული ადამიანია და იმედს გამოთქვამენ, რომ ამ საქმეში გარეული არ იქნება.
"აფხაზეთის პრეზიდენტის არჩევა სამხედრო დამნაშავის ინტერვიუს გათვალისწინებით, რომელიც ხელმძღვანელობდა აფხაზეთის ოკუპაციას და რომლის ხელებიც ჩვენი ბიჭების სისხლშია გასვრილი, დაუშვებლად მიმაჩნია", - განაცხადა ამომრჩევლებთან შეხვედრისას ანქვაბის ნდონბით აღჭურვილმა პირმა კონსტანტინ კვიციანიამ.
შეგახსენებთ, რომ რუსული მედიისთვის მიცემულ ინტერვიუში საქართველოს თავდაცვის ყოფილმა მინისტრმა თენგიზ კიტოვანმა აღნიშნა, რომ აფხაზეთის დე ფაქტო რესპუბლიკის პრეზიდენტობის მოვალეობის შემსრულებელი ალექსანდრე ანქვაბი საქართველოს სასარგებლოდ ჯაშუშობდა.
კიტოვანის თქმით, 1990-იან წლებში ალექსანდრე ანქვაბი საქართველოს დაზვერვისთვის მუშაობდა და ამაში გასაკვირი არაფერი ყოფილა.
"სოხუმის აღების დროს ანქვაბი ქართულ მხარეს ეხმარებოდა, იგი აფხაზური ქვედანაყოფების გადაადგილების მიმართულებებს გადმოგვცემდა", - აცხადებს კიტოვანი.
