მობილური გადახდების პირველი ქსელი "ოუფენრევოლუშენი" ("მობიპეი") აფართოებს თავის მომსახურებას და ბათუმში ოფიციალურ წარმომადგენლობას ხსნის. ამდენად, "მობიპეის" მომსახურებით სარგებლობა ბათუმელებსა და მის სტუმრებსაც შეუძლიათ.
ახალი ოფისი 16 აგვისტოს, 11:00 სთ-ზე, "ბათუმი პლაზაში" (ჭავჭავაძის #5) გაიხსნება "მობიპეის" ოფისი. გახსნის ცერემონია "მობიპეის" წარმომადგენლებთან ერთად, აჭარის უმაღლესი საბჭოს წევრებიც დაესწრებიან.
პირველ ეტაპზე "მობიპეის" სერვისით სარგებლობა ბათუმში 90-მდე ობიექტში იქნება შესაძლებელი, თუმცა მათი რაოდენობა ყოველდღიურად გაიზრდება. "მობიპეიის" მიერ დასაქმებულთა რიცხვი აჭარაში 30-ზე მეტია. მათი უმეტესობა სტუდენტია, რომლებმაც გაიარეს საგანგებო, საერთაშორისო სტანდარტებს მორგებული ტრეინინგები.
"მობიპეიმ" 6 თვეში, თბილისში 110000 მომხმარებელი დაარეგისტრირა.
"ჩვენ 1500 პარტნიორი სავაჭრო ობიექტი და 150 "ქეშაგენტი" გვყავს. დარწმუნებულები ვართ, ბათუმში განსაკუთრებული ინტერესით მოეკიდებიან ჩვენს სერვისებს", - აცხადებს "ოუფენრევოლუშენის" აღმასრულებელი დირექტორი ალენ გილსტრაპი.
