მტკვარში ნაპოვნი მამაკაცის ცხედარი სავარაუდოდ, ის ახალგაზრდა თურქი მამაკაცია, რომელიც გამვლელმა მეტეხის ხიდიდან მდინარეში სამი დღის წინ შეამჩნია.
"რუსთავი 2"-ის ინფორმაციით, სამაშველო ბრიგადებმა ცხედარი "ორთაჭალჰესთან" ახლოს, გამთენიისას ნახეს. ცხედარი ამ დროისათვის, ქალაქის მთავარ პროზექტურაშია გადასვენებული, სადაც მისი ვინაობა გაირკვევა.
ტელეკომპანიის ინფორმაციით, წინასწარი ინფორმაციით, დაიკითხნენ თვითმხილველები, რომლებმაც განაცხადეს, რომ თურქი მამაკაცი წყალში თავად გადახტა.
სამძებრო ოპერაციის დროს ნაპოვნია საბუთები, რომლის მიხედვითაც დადგენილია, რომ წყალში თურქეთის მოქალაქე მურად გუნდაზი ჩავარდა.
თვითმხილველებმა მამაკაცი მეტეხის ხიდთან 10 აგვისტოს შენიშნეს. თავდაპირველად, იპოვეს მამაკაცის ჩანთა, რომელშიც მის პირად ნივთებთან ერთად იყო მისი საბუთებიც.
მასალის გამოყენების პირობები
