თითქმის, საუკუნოვანი პაუზის შემდეგ, სუმელას მონასტერში ქრისტიანული წირვა აღევლინება.
პირველად, 88 წლის შემდეგ, შავიზღვისპირეთის უძველეს მონასტერ სუმელაში, საღვთო ლიტურგია გაიმართება. ნებართვა, ამის შესახებ, თურქეთის მთავრობამ ბერძნული მართლმადიდებლური ეკლესიის სახელზე უკვე გასცა და თითქმის, საუკუნით დადუმებულ მონასტერში ღვთის სადიდებელი გალობა 12 აგვისტოს, დილის ათი საათიდან აღევლინება.
სუმელას მონასტერი ტრაპიზონიდან ერთი საათის სავალზე, კლდეშია ნაკვეთი. ის იუნესკოს კულტურული მემკვიდრეობის ნუსხაშია შეყვანილი. უძველესი დროიდან იგი პონტოელი ბერძნებს ეკუთვნოდა, თუმცა, მე-20 საუკუნის დასაწყისში, ტრაპიზონის მხარეში ბერძენთა დევნის გამო, იქ სამონასტრო ცხოვრება შეწყდა. მონასტრის მსახურები საბერძნეთში გადავიდნენ და სამონასტრო განძეულობაც იქ გადაიტანეს.
რამდენიმე წელი მონასტერში სარესტავრაციო სამუშაოები მიმდინარეობდა, რომელიც სხვადასხვა მართლმადიდებული ქვეყნის მორწმუნეებმა დააფინანსეს. შემოწირულობები ქართველებმაც გაიღეს.
12 აგვისტოს წირვას ბერძნული ეკლესიის პატრიარქი ბართლომეოსი აღავლენს.
ლიტურგიაზე დასასწრებად ტრაპზონში საქართველოდან, რუსეთიდან და საბერძნეთიდან 3 ათასამდე მორწმუნეს ელოდებიან.
